टी–२० विश्वकप छनोटमा मलेसियाविरुद्ध नेपालले ६ विकेटले विजयी भएको छ । यो सँगै नेपाल जारी विश्वकप छनोटको सेमिफाइनलमा पुगेको छ ।
मङ्गलवार लगातार दोस्रो निकाल्दै नेपालले अन्तिम चारको यात्रा तय गरेको हो । यस अघि नेपालले सिंगापुरलाई ८ विकेटले हराएको थियो ।
टस जितेर मलेसियाले दिएको १६६ रनको चुनौती नेपालले चार विकेटको क्षतिमा पुरा गर्यो । कुशल भुर्तेलले २५ बलमा ४३, आसिफ शेखले २३ बलमा ३५ र कुशल मल्लले ३४ बलमा ६५ रन बनाएपछि नेपालले १ सय ६६ रनको लक्ष्य १८ ओभरमा पूरा गरेको थियो ।
नेपालसँगै समूह ए बाट सेमिफाइनल ओमान पनि पुगेको छ । ओमानले सिंगापुरविरुद्ध जित निकालेको थियो । पराजयसँगै सिंगापुर र मलेसिया भने प्रतिस्पर्धाबाट बाहिरिएका छन । बुधबार नेपाल र ओमानबीच समूह विजेता र उपविजेताका लागि प्रतिस्पर्धा हुने छ ।
प्रकाशित मिति : २०८० कार्तिक १४ गते मङ्गलवार
