जेष्ठ १, सल्यान । सल्यानको सिद्ध कुमाख गाउँपालिका–४ सागिनेका ३१ वर्षीय केशव रानाले धारिलो हतियार प्रहार गरी २७ वर्षीया श्रीमती केवली रानाको हत्या गरेका छन् । श्रीमतीको हत्यापछि रानाले आत्महत्या गरेका छन् । सुत्ने कोठामा सुत्केरी श्रीमतीको हत्या गरी घरदेखि नजिकै रहेको रुखमा झुन्डिएर रानाले आत्महत्या गरेको छन । घटना स्थलमा प्रहरी पुगेको र घटनाको विस्तृत अनुसन्धान भइरहेको प्रहरीले जनाएको छ । राना दम्पतीका ४ छोराछोरी रहेको प्रहरीले जानकारी दिएको छ ।
आइतबार मात्रै सल्यान बनगाड कुपिण्डे नगरपालिका वडा न ४ देउलीका ३४ वर्षिका श्रीमान मनोज बुढाले ३२ वर्षकी श्रीमती कमला बुढालाई हत्या गरी आत्महत्या गरेका थिए ।
प्रकाशित मिति : २०८१ जेष्ठ १ गते मङ्गलवार
