आइसीसी ट्वान्टी–२० क्रिकेट विश्वकप छनोटको सेमिफाइनल खेलहरू आज हुँदैछन्। समूह ‘ए’ बाट नेपाल र ओमानले सेमिफाइनलमा स्थान बनाएको छ भने समूह ‘बी’ बाट युएई र बहराइनले सेमिफाइनलको यात्रा तय गरेको छ।
नेपालले आज फाइनल प्रवेशका लागि युएईसँग खेल्न लागेको छ। मूलपानी क्रिकेट मैदानमा हुने नेपाल र युएईबीचको खेल बिहान ११ बजेबाट सुरु हुनेछ। घरेलु मैदानमा हुने आजको खेलमा जित हात पार्दै नेपाल ट्वान्टी–२० विश्वकपको यात्रा तय गर्न चाहन्छ। यस्तै युएई पनि आफ्नो ट्वान्टी–२० विश्वकपको यात्रा तय गर्ने लक्ष्यसहित मैदान उत्रने छ।
आजै हुने अर्को सेमिफाइनल खेलमा बहराईन र ओमानबीच प्रतिस्पर्धा हुनेछ। ओमान र बहराइनबीचको खेल किर्तिपुरस्थित त्रिवि क्रिकेट मैदानमा ११ बजे नै हुनेछ।
फाइनलमा पुग्ने दुबै टोलीले आगामी वर्ष अमेरिका र वेस्टइन्डिजमा हुने ट्वान्टी–२० विश्वकप खेल्न पाउनेछन्।
